SKORAÐU Á SJÁLFAN ÞIG

Grefillinn er malarkeppni sem fer fram í Borgarfirði og um Kaldadal. Rásmark og endamark er í Logalandi sem er rétt um 103 km frá höfuðborgarsvæðinu. Í boði er að fara 48, 110 eða 207 km um fjölbreytta náttúru, afskekkt hálendi, sveitavegi og yfir skemmtilegar borgfirskar ár.

Hálendið

Malarvegir svo langt sem augað eygir með stórbrotinni fjallasýn og jöklum allt um kring.

Sveitin

Endalausir malarvegir með nauðsynlegu tvisti, beygjum, ám og erfiðu klifri.

Áskorun

Skoraðu á þig og láttu drauma þína rætast!

Keppnin

Rásmark og endamark er í Logalandi, þjónustumiðstöð keppninnar.

207 km keppnin fer beint upp í Þverárhlíð þar sem þvælst verður yfir Kjarrá fyrir ofan Örnólfsdal, niður að Lindarhvoli og upp Norðurárdalinn, mögulega í mótvindi. Þá yfir Grjótháls og aftur í Þverárhlíð og yfir Þverá hjá Sigmundarstöðum. Þarna ættu flestir að vera orðnir vel blautir í fætur, en þar með lýkur vöðum.

Næst er farið um Hvítársíðu , krókur um Tungu og upp Kaldadal sem er hálendisvegur. Smá grófur vegur, en stórkostlegt útsýni (ef það er ekki þoka) í eyðilegu umhverfi þar sem sést til Þórisjökuls, Eiríksjökuls og Langjökuls, já og til Oks sem er víst ekki lengur jökull. Hæsti punkturinn á Kaldadal er um 700 m.

Svo tekur við gott rúll niður Lundarreykjadal, með viðkomu um Flókadal og svo endað aftur í Logalandi.

Umsagnir keppenda

Ég er búinn að taka þátt í öll skiptin sem Grefillinn hefur verið haldin og ég er alltaf spenntur fyrir þessari keppni. Hún er ein af mínum uppáhalds. Það er alltaf svo afslappað og skemmtileg andrúmsloft í kringum þessa keppni og vel að henni staðið, brautinni (200 km) er hröð og mjög skemtileg. Megnið af henni er á mjög góðum vegum í fallegu umhverfi en hún er líka með hægari tæknilega kafla eins og maður vill hafa í svona keppnum. Öll skiptin sem ég hef keppt hefur enginn keppni verið eins en íslenska veðrið sér til þess. Ég stend í þeirri trú að það sé kostur að fá mismunandi áskoranir. Bíð spenntur eftir næstu keppni til að sjá hvaða áskorun hún ætlar að bjóða upp á.

Þorsteinn Bárðarson

Sigurvegari 2023

This is easily moving to my top three post-gravel race party scenes, up there with hanging out among giraffes in Kenya at the Migration Gravel Race and hippie dancing in the park after Sprit World 100 in Patagonia, Arizona." - Velonews, 2022

Betsy Welch

Sigurvegari 2022

Skemmtilega fjölbreytt leið í geggjuðu umhverfi og besti borgarinn í markinu.

Björg Hákonardóttir

Sigurvegari 2023

Eftir að hafa unnið fyrsta árið sem Grefillinn var haldinn, var ég þegar farinn að hlakka til næsta árs. Brautin býður upp á hraða beina kafla með góðum malarköflum, ám og er í senn allt sem íslensk malarhjólreiðasport býður upp á. Keppnin er fyrir alla, vana sem óvana.

Ingvar Ómarsson

Sigurvegari 2021

Ég tók áskoruninni og sé ekki eftir því. Besta keppni þessa sumars. Töluverð áskorun en á sama tíma gaman að ferðast um fallegt landsvæði, allt sem þú vilt í malarhjólreiðakeppni. Ekki hika, skráðu þig!

Íris Ósk Hjaltadóttir

Sigurvegari 2021

Hvaða vegalengd má bjóða þér?

207 km

Fyrir þau sem þora að takast á við hálendi Íslands, tvær ár og alvöru sveitavegi. Þrír flokkar fyrir konur og karla:

Elite/Pro
Masters 18-44
Master 45+

110 km

Leið er um fallega borgfirska náttúru þar sem þarf að fara yfir tvær ár. Einn flokkur fyrir konur og einn fyrir karla.

48 km

Fyrir þau sem eru að taka sín fyrstu skref í malarhjólreiðum eða langar hreinlega að njóta dagsins. Einn flokkur fyrir konur og einn fyrir karla.

Njóttu náttúrunnar

Upplifðu kjarna íslenskrar náttúru

Endaðu daginn á náttúrulauginni Kraumu.
Heita vatnið í Kraumu á upptök sín í Deildartunguhver, vatnsmesta hver Evrópu, sem úr rennur um 100°C heitt vatn.
Í Kraumu eru sex laugar, fimm heitar og ein höld.
Engum sótthreinsandi efnum er bætt í vatnið, heldur er hreinleiki þess tryggður með mjög miklu vatnsrennsli í laugarnar.
Hver gestur fær læstan skáp í búningsklefanum þar sem er rúmgott snyrtiborð með stórum speglum og góðri lýsingu.
Allir þátttakendur fá gjafakort í Kraumu. Það er hægt að nota á keppnisdegi eða þegar þú hefur tíma. ATH. að það þarf að bóka fyrirfram, þrátt fyrir að þú ætlir að nota baðið á keppnisdegi.
Þetta er sannkallaður draumaendir á deginum.

207 km keppnin

Þessi nýja leið fer um alls konar landbúnaðarhéruð Borgarfjarðar, grasi vaxnir dalir, laxveiðiár og kindur út um allt. Við byrjum á Þverárhlíð og vaði yfir Kjarrá eftir aðeins 16 km. Förum svo niður að Lindarhvoli til að þræða upp Norðurárdalinn (já, sleppum Varmalandi) og yfir Grjótháls og fáum nýja sýn á Borgarfjörð.

Þá förum við upp Hvítársíðu Jökuláin og rennur Hvítá móti ykkur niður með veginum og getur veitt hjólurum innblástur (og jafnvel mótvind). Farið er kringum Tungu og upp hálendisveginn um Kaldadal sem býður upp á stórkostlegt útsýni í eyðilegu umhverfi og umvafinn jöklum með örlítið grófari vegum en þú átt að venjast.

Þegar upp er komið er rúllað ljúfleg niður Lundarreykjadalinn (muna að beygja til hægri hjá Brautartungu) og taka svo krók inn og út Flókadalinn, áður en þið rennið í hlað í Logalandi.

Unnið er að uppfærslu á Komoot leiðinni en þangað til sjá: https://www.strava.com/routes/3286056373390229670

Routes are subject to change.

110 km keppnin

Þessi leið liggur beint upp í Þverárhlíð, yfir Kjarrá fyrir ofan Örnólfsdal og gegnum kjarrið framhjá Þverárrétt og svo er beygt til hægri hjá Lindarhvoli til að fara upp Norðurárdalinn, mögulega í mótvindi. Þá yfir Grjóthálsinn og yfir Þverá hjá Sigmundarstöðum. Flestir keppendur ættu þá að vera orðnir blautir í fætur, í það minnsta. Farið er út úr Þverárhlíð og beygt til vinstri hjá Síðumúla til að fara upp Hvítársíðu, meðfram jökulánni Hvítá sem rennur niður á móti keppendum, mögulega með mótvind í farteskinu.

Þegar komið er að brúnni hjá félagsheimilinu Brúarási er beygt til hægri og farið smábút af malbiki og nánast strax til vinstri yfir í Hálsasveit og Reykholtsdal. Farið er framhjá Reykholti og rúllað örfáa km af malbiki þar til við hittumst á ný í Logalandi.

Unnið er að ítarlegri upplýsingum um leiðina á Komoot en þangað til er hlekkur hér á leiðina: https://www.strava.com/routes/3286064159185016298

48 km keppnin

Farið er í átt að Kleppjárnsreykjum, til hægri yfir brúna yfir Reykjadalsá og til vinstri upp fyrir Deildartunguhver. Þá liggur leiðin í átt að Síðumúla og upp Hvítársíðu. Jökuláin Hvíta rennur á móti þér og mögulega færðu smá mótvind í fangið. Beygðu til hægri yfir hjá félagsheimilinu Brúarási og önnur hægri yfir á malbikið, en beygðu svo strax til vinstri upp malarveginn til að fara yfir í Hálsasveit og svo niður Reykholtsdalinn fram hjá Reykholti þar sem þú endar á að loka hringnum aftur áður en rennt er í hlað í Logalandi. Þegar komið er framhjá Síðumúla er farið niður til vinstri í átt að Logalandi þar sem við hittumst á ný.

Þetta er algjörlega fullkomin leið fyrir þá keppendur sem eru að stíga sín fyrstu skref í malarhjólreiðum, eða þig vantar einfaldlega að drepa tímann þangað til félagar þínir koma úr 110 eða 207 km keppninni.

Ítarlegar upplýsingar um leiðina eru væntanlegar á Komoot en þangað til er unnt að sjá leiðina hér: https://www.strava.com/routes/3316524024556084196